شوفوتوا الست دى عملت ايه فى الولد لم اتحرش بيها

جوزى كان عازمنى على السينما فى العيد

بعد ما اتفرجنا على الفيلم وخرجنا علشان نروح

طبعا انتوا عارفين زحمه العيد فى السينمات المهم خرجنا وجوزى راح يجيب العربيه عشان

راكن بعيد مش قدام السينما يعنى

وانا والله يا جماعه لا انا ولا امى ولا اخواتى كان شكلنا ملفت نهائى انا زى ما قلت لكم

قبل كده انا مبلبسش غير عبايات وبرضه مكنتش حاطه ميكب

انا بس بقول الكلام للناس اللى لسه مقتنعه انى التحرش بسبب اللبس والشكل ولو انى

ضد الفكره دى نهائى بس يلا مش موضوعنا دلوقتى

المهم واحنا واقفين مستنين زوجى المبجل كان فى شله شباب كده واقفه على جنب

كانوا تقريبا مستنين العرض اللى بعد كده وقاعدين يبصوا علينا

انا قلت يا بت كبرى دماغك مش هيقدروا يجوا جنبا والله اكبرهم شكله 18 سنه

كلهم اطفال وجه واحد فيهم مستتخن نفسه وبيقرب منى

قلت يا بت اعملى نفسك عبيطه بس خليت عينى فى قفايا ولسه جاى بيمد

ايده *** روحت لفه وبرجلى وبالتحديد ركبتى و *****

لا بقى نافع لا راجل ولا ست وده راح واقع فى الارض ومش قادر من الوجع وروحت

بشنطه ايدى قعدت اضربه واشتمه يا ***يا ***انت فاكر نفسك ايه انت فاكرنا ايه حيوانات

كل كلب من عينتك يمد ايده علينا والله العظيم يا جماعه ما كنت حاسه بنفسى

ولا عارفه انا عملت كده ازاى ده انا جبانه جدا وبخاف قوى واكيد مش الفيلم اللى جرأنى باضحك

اللى جرأنى انى كفايه بقى نسكت للكلاب دول كفايه نخاف وندارى كفايه ننصب

لنفسنا محاكم ونقول اكيد احنا فينا عيب عشان كده بنجرأهم علينا كفايه بقى نكتم

نفسنا ونسيبهم ينتشروا زى الوباء والكارثه انى الاطفال هما دلوقتى اللى بدأوا يورثوا المهنه

يعنى كل لما نسكت كل ما هنشجعهم على انهم يتمادوا فى تصرفاتهم الحيوانيه

والله فى لحظتها شفت نفسى كبيره شفت نفسى انى لو سكت هيحصل كده لبنتى لو ربنا

رزقنى ببنت شفت انى لو سكت لو ربنا رزقنى بولد ممكن يتعلم عاده *** زى

دى لانى للاسف دلوقتى كل حاجه بقيت تساعد العيال ع الانحراف والاغلبيه بيبقوا ولاد ناس

جدا ومع ذلك بيتعلموا من اللى بيشوفوه وكل اما يلاقوا واحده ساكته وخايفه كل لما

بيزيدوا فيها وبيفتكروا انهم بيكسروا عين البنات

طب من ضمن الناس اللى بتقول لبس البنات بيستفز الشباب عشان هل العيال دول

شباب ولا حتى وصلوا لسن الجواز هل فى شاب بيتجوز 16 سنه عشان يحمى نفسه من

الغلط حتى لو كان مليونير

انا اللى عرفته واستنتجته من كل اللى شفته وواجهته انى هى بقيت مجرد عاده **

منتشره بين الشباب والرجاله بيفتكروا انهم بيكسروا عين البنت وانهم كده جدعان

واكبر دليل على صحه كلامى انهم بيعاكسوا حتى المنقبات يعنى مش فارفه معاهم ولا لبس

البنات بيستفزهم انا قصدى من كل الرغى ده اننا منسكتش ومنخافش من اى حاجه

كلمه الحق قويه وربنا دايما واقف مع المظلوم عارفين ايه اللى حصل بعد ما ضربته

جوزى كان جه وطبعا الناس كانت ملمومه وراح ماسكه وصمم يوديه القسم وفى ناس قالت

هتشهد عليه والواد بقى عمال يعيط ويتاسف وعمال انا غلطان و بلاش القسم

لا وبيدور على صحابه ملقاهمش شفته هما جبناء قد ايه عارفين لو كنت

سكت مش بعيد كانوا اصحابه كمان جم يكملوا معاه ولا حاجه

والواد فضل يعيط كان ناقص يبوس على رجلى ورجل جوزى عشان اسامحه وعمال

يقول مستقبلى هيضيع بلاش القسم

احنا فى الاخر سيبناه بس تفتكروا بعد اللى حصله ده هيفكر يعمل حاجه زى كده

تانى مستحــــــــــــــــــــــــــــــــــــــــــــــ ـــــــــــــــــــيل

والله يا جماعه لو بطلنا نخاف ونسكت هننهى الظاهره دى من مصر نهائى

والحمد لله الشرطه بدأت تتحرك يعنى لو واحد قليل الادب زياده عن اللزوم وودتيه القسم

هيتحبس يعنى هيتحبس وحقك مش هيضيع

انا كتبت الموضوع ونفسى كل الستات والبنات اللى فى مصر كلهم مش بس

فى المنتدى يقروه وميخافوش ده ربنا كبييييييييييييييير قوى ومش هينصف ظالم على مظلوم

والله كل كلمه بقولها نصيحه لاخواتى فى الله نصيحه مختصرها بعد الرغى ده كله

متخـــــــــــــــــــــــــــــــــــــافــــــــ ــــــــــــــــــــــــــــــــــــــــــــــوش

منقول