خطيبى الاولانى معترض على صاحبه يتقدملى للجواز رايكم ايييييه

 كنت مخطوبة وانا فى اولى جامعة لشاب من محافظة تانية غير القاهرة وانا من القاهرة و الخطوبة

استمرت سنة و كل واحد راح لحاله وخلصت 2جامعة و تالتة ودخلت رابعة والموضوع ده كان عدى عليه سنتين او اكتر فا نسيته خالص و بعد ما عدى

فى يوم وانا فى الكلية قابلت فلان صاحب  اللى كان خطيبى  كان جاى يخلص ورق هو واخته لانها كانت فى نفس جامعتى فى القاهرة

وسلم عليا وكده هو اكبر منى ب 3 سنين فكان خلص كليته بقاله سنة لانه كان فى هندسة ودخل هو وفضلت اخته واقفة معايا برة واتكلمنا و

عرفت ان اللى كان خطيبى ده خطب و قدامه سنة بالكتير و يتجوز وكده وبعدين هو خلص و خرج فانا و اخته خدنا ارقام بعض عادى و هو سلم

وخدها و مشى بعدها بكام يوم لقيتها بتكلمنى وتسال عليا هى بصراحة طيبة و عشرية اوى و بقينا اصحاب ع الفيس بوك و بنتكلم اوقات فى

الموبايل الوضع ده استمر شهرين تقريبا لحد ما فى مرة قالتلى انها هتنزل القاهرة تشترى حاجة فا قولتلها خلاص لازم تيجى عندنا و فعلا جت

و قعدت معنا و ماما و اخواتى برضو حبوها اوى و خدت رقم ماما و بعدها لقيت ماما جاية تكلمنى ان اخوها عايز يتقدملى انا صليت استخارة و

ارتحت الحمد لله و هو كلم ماما كام مرة فى الموبايل و اتفقوا انه جاى ا يقعد مع بابا المهم فجاة

لقيت رقم غريب بيتصل برد لقيت اخت خطيبى الاولانى و بتقولى انتى مجنونة ده اخويا هيموت صاحبه هتوديه فى داهية منك لله يعنى الدنيا

ضاقت بيكى وقفلت فى وشى و طبعا انا ماليش كلام فى الموبايل لا مع ده ولا مع ده عشان افهم ايه اللى حصل و مش عارفة اقول لمااما ولا لا

بس انا كنت عايزة اسال هو انا كده عملت حاجة حرام؟ يعنى موضوع ان اتقدملى واحد صاحب واحد كان خاطبنى المفروض ارفض و لا اعمل ايه بالله عليكو تفيدونى انا متلخبطة اوووى