شوفوا جوزى عمل فيا ايه لما عريس اتقدملى

 

انا متجوزه من ابن عمتى من حوالى 3 سنين وعندى ولد وبنت ماشاء الله عليهم كل يوم اودى العيال الحضانة واروح لعمتى اللى هى حماتى عشان نصلى الضهر فى المسجد ونشترى الخضار ونرجع على البيت

النهاردة جوزى اجازة فجه معانا المهم  جوزى راح يشترى عيش على ما احنا نشترى الحاجة من السوق احنا وواقفين نشترى الفراخ الاقى الراجل يقول لعمتى بنتك ديه يا حاجة قالته اه بنتى قالها ماشاء الله عليها انا مراقبكم كل يوم الاقيها تنزل معاكى السوق وتشيل الشنطة وباين عليها هاديه ومتربيه قالته اه ربنا يخليهالى قالها انا مش شايف فى ايدها دبلة هى مخطوبة عمتى اعدت تضحك وقالته ليه جايب لها عريس قالها اه ابنى محمد معه دبلوم تجارة وشغال معايا فى المحل -قام قالها ها نيجى ايمته عشان نطلبها من ابوها لقيت اللى بيقولوله وتطلبها من ابوها ليه من باب اوله تطلبها منى قاله مين حضرتك قاله انا جوزها الراجل وشه جاب الوان واعد يعتذر وقاله انا سألت الحاجة وقالت انها بنتها وعمتى تحاول تهديه وهو ابدا عايز يتخانق مع الراجل وبعد ما خلص خناق مع الراجل مسك فى خناقى انا وحلف مية يمين ما انا معتبه الشارع تانى طب انا ذنبى ايه فى الحوار ده انا مفتحتش بوئى من اول الكلام لاخرهوعمتى قالته يا بنى انا افتكرت بيسئل عادى وانا ايه اللى درانى انه هيطلب ايد مراتك انا مرضتش ارد ولا افتح بوئى معاه عشان الموضوع ميكبرش اكتر

اعمل ايه معاه عشان ميحبسنيش فى البيت انا والله ما ذنبى حاجة يا ريتنى كنت اشتريت دبلة بعد دبلتى ما وقعت منى هى سبب المشكلة لو كنت لبستها مكنش المشكله ديه حصلت