ابن عمى وكاتب كتابه عليا وكمان اغتصبنى وضيعنى

 

ابن عمي اللي كاتب كتابه عليا ضيعني

انا تعبانه جدا ومحتاجة نصحيتكم ليا

انا اتخطبت لابن عمي ومكنتش عايزة اتخطب ليه بس بابا قعد يقول ده ابن عمك واولى بخيرك وانتي اولى بخيره

والكلام العبيط ده فقلت لبابا لا قالي ماتحرجنيش مع اخويا المهم وافقت قلت نشوف نديله فرصة

المهم ان ابن عمي حبني اووووووي بس انا لا ورغم كده مكنتش بظلمه وكنت بعاملة كويس جدا

وبحاول اديله فرصه اني افهمه وبعد كده بابا قال حنكتب كتب كتاب هنا قلتله بابا اديني وقت اكتر ارجوك

لاقيته قعد يزعقلي وكان حيمد ايده عليا بس مسك نفسه زقالي حتتجوزيه يعني حتتجوزيه المهم بدات ارتاحله شويه

بس ادمها كنت بخاف منه كتير يعني مثال بسيط عشان مطولس عليكم قعدت فترة تعبانه في البيت ومكنتش بروح كوس بتاعي

انا ليا زميلي خاطب واحدة بعت ورق الكورس معاها لغاية بيتنا عشان هو مبيكلمنيش الا في حدود الدراسه وبس

المهم هو شاف البنت نازله من عندي وعارف انها مش في كليتي وان خطيبها هو اللي في كليتي لاني كنت سبق وعرفته على زمايلي بناء على طلبه

هد الدنيا هد وراح بهدل زميلي وانت ازاي تبعتلها وخطيبته بتحكيلي بتقولي بهدل الدنيا هو جزاء الخير كده وقفلت في وشي

المهم للمشكله الاكبر بدات كل شويه اقوله حسيبك لو معدلتش تصرفاتك وتبطل تحرجني ومش فارق معايا كتب كتاب فكان يتأسف ويقولي ده من حبي ليكي

المهم في يوم من الايام قتله انا رايحة شقتنا عشان ححط حاجة من الجهاز بتاعي قالي طيب وحتروحي لوحدك قتله اه انا ححطها جنب الباب وانزل علطول قالي

طيب خدي بالك من نفسك

حتقولولي روحتي لوحدك ليه حقولكم ماما ست كبير واخواتي البنات متجوزين ومسافرين واخواتي الاولاد مش فاضيلني

المهم روحت وكانت المصيب الاكبر انه كان هناك مستنيني

ولما حاولت اجري قفل الباب ولانه هو اضخم مني في الحجم قدر ******** بس والله يابنات حاولت حاولت بجد بس مقدرتش

انا فرحي ادامه كان 3 شهور ولما سألته ليه عملت كده قالي عشان تكوني ليا لوحدي ومتروحيش لغيري

انا كرهته جدا بالرغم اني كنت بدأت اميل ليه وكرهت الشقه وكرهت حياتي وعايزة اسيبه بس معرفشوالمصيبه اللي حطني فيها

 اروح بيها فين انا مقولتش لحد خالص

مش قادر اتخيل انى هقدر اعيش معاه كزوجة بعد اللى عمله فيا

معرفش ياريت تنصحوني الصح والغلط وايه اللي ممكن اعمله